Stjórn og stjórnarhættir
Markmið Búseta er að byggja, reka og viðhalda íbúðarhúsnæði til langs tíma í þágu félagsmanna
Góðir stjórnarhættir
Góðir stjórnarhættir leggja grunninn að ábyrgri stjórnun og ákvarðanatöku með ofangreint markmið að leiðarljósi. Stjórn og framkvæmdastjóri Búseta leggja áherslu á góða stjórnarhætti og meta reglulega stjórnarhætti sína með tilliti til viðurkenndra leiðbeininga þar um.
Starfsreglur stjórnar
Framkvæmdastjóri Búseta
Bjarni Þór Þórólfsson hóf störf sem framkvæmdastjóri Búseta árið 2017. Hann hefur á liðnum árum starfað sem stjórnandi á sviði fjármálamarkaða, hugbúnaðargeira og fasteignageira. Bjarni lauk M.Sc. gráðu frá Viðskiptaháskólanum í Kaupmannahöfn og B.Sc. gráðu frá Ríkisháskólanum í Kaliforníu og hefur stundað kennslu á háskólastigi. Hann er í stjórn NBO sem eru samtök norrænna húsnæðisfélaga. Bjarni er viðurkenndur stjórnarmaður frá Rannsóknarmiðstöð um stjórnarhætti fyrirtækja við Háskóla Íslands og hefur lokið löggildingu sem leigumiðlari.
Stjórn
Ásbjörn Unnar Valsteinsson
Varamaður í stjórn
Ásbjörn lauk B.Sc. gráðu í tölvunarfræði frá Háskóla Íslands og stundaði framhaldsnám í tölvunarfræði í Danmörku. Hann hefur starfað við netumsjón og upplýsingaöryggi bæði í Danmörku og á Íslandi. Í Danmörku kynntist hann búseturéttarfélögum vel, bæði sem búseturéttarhafi og stjórnarmaður. Ásbjörn er búseturéttarhafi.
Erna Borgný Einarsdóttir
Stjórnarmaður
Erna starfar sem sérfræðingur á fjármálasviði Fastus og býr yfir víðtækri reynslu af fjármálum, rekstri og ráðgjöf. Hún er með diplómagráðu í fjármálum og stjórnun frá Háskólanum á Bifröst og er viðurkenndur bókari. Hún hefur starfað í ráðgjöf hjá hugbúnaðarfyrirtæki og hefur reynslu af fjármálum og rekstri sveitarfélaga. Erna er búseturéttarhafi.
Helga Egla Björnsdóttir
Stjórnarmaður
Helga er deildarstjóri innan tekjustýringar á sölu- og markaðssviði hjá Icelandair. Hún er með B.A. gráðu í frönsku frá Háskóla Íslands og alþjóðlegt IATA/UFTAA próf. Helga er búseturéttarhafi.
Hildur Mósesdóttir
Varamaður í stjórn
Hildur starfar á fjármálasviði hugbúnaðar- og lækningatæknifyrirtækisins Nox Medical. Hún lauk rekstrar- og stjórnunarnámi frá Háskólanum á Akureyri og er viðurkenndur bókari. Hildur hefur átt sæti í aðalstjórn Íþróttafélagsins Fylkis og keppt fyrir hönd félagsins í blaki. Hildur er félagsmaður í Búseta.
Jón Ögmundsson
Stjórnarformaður
Jón er hæstaréttarlögmaður og meðeigandi Altus lögmanna slf. Hann er með próf í lögfræði frá Háskóla Íslands og Háskólanum í Miami (UM). Jón er með lögmannsréttindi í Flórídaríki í Bandaríkjunum ásamt löggildingu sem fasteigna- fyrirtækja- og skipasali. Hann hefur mikla reynslu af lögmannsstörfum innanlands sem utan og málum tengdum fasteignum. Jón er félagsmaður í Búseta.
Karlotta Jóna Finnsdóttir
Stjórnarmaður
Karlotta starfar sem fjármálastjóri innflutningsfyrirtækisins Hegas. Hún býr yfir margra ára stjórnunarreynslu og er viðurkenndur bókari. Hún hefur átt sæti í ýmsum stjórnum og sinnt trúnaðarstörfum. Hún hefur m.a. átt sæti stjórn Íþróttafélags fatlaðra, Asparinnar – íþróttafélags, Golfklúbbs Oddfellowa og Búsetufélagsins að Árskógum 5-7. Karlotta er búseturéttarhafi.
Ragnar Sær Ragnarsson
Stjórnarmaður
Ragnar hefur á liðnum árum sinnt stjórnunarstörfum á vegum sveitarfélaga. Hann hefur einnig starfað sem framkvæmdastjóri hjá einni af leiðandi arkitektastofum landsins og komið að fasteignaþróunarverkefnum. Ragnar er með kennsluréttindi og hefur einnig lokið prófum í rekstri, viðskiptum og stjórnsýslu frá Háskóla Íslands. Þá hefur hann lokið námi í góðum stjórnarháttum fyrirtækja og námi sem viðurkenndur stjórnarmaður. Ragnar er búseturéttarhafi.